Mahire Nağıgızı Yazdı: Can Türkiye

Can TÜRKİYE


Mahire Hüseyinova Nağıgızı

Döz, bu da bir imtahan
Çat verən yer üstündə,
Batan, aşan divarlar.
Bu dəfə də qəsdində,
Kim durar, kim haraylar,
Can Türkiyə, Türkiyə..!

Dayanmışıq yanında,
Dünya bizi görəcək.
Gələcək zamanında
Azərbaycan verəcək,
Can Türkiyə- Türkiyə!

Sinəmə köz basıldı,
Yarama duz basıldı.
Kimsə elə bilməsin,
Ayla ulduz basıldı..!
Hansı yara dəymədi,
Köksünə, qardaş, sənin.
Qədd-qamətin əymədi,
Hər atılan daş sənin,
An, Türkiyə- Türkiyə...

Nələr çəkmədi başım,
Qurudu gözüm yaşım.
Döz, bu da bir imtahan,
Ah Kahramanmaraşım...
İzmir- 2023-cü il. 8 şubat.