Zafer bayramınız kutlu olsun, Türkiyəm!

Zafer bayramınız kutlu olsun, Türkiyəm!

Aynurə Əliyeva

Azərbaycan, Türkiyə!
Bir millətin iki qolu,
Şanlıdır keçdiyi yolu.
Oğuz boyu, Səlcuq boyu,
Azərbaycan, Türkiyə.
Şöhrətlidir igidləri,
Zəngin olub sərvətləri.
Çox qədimdir tarixləri,
Azərbaycan, Türkiyə.
"Dədə Qorqud" ilk dastanı,
Bayanduru, Qazan xanı.
Vətən üçün tökər qanı,
Azərbaycan, Türkiyə.
"Koroğlu" dillər əzbəri,
Mətə xan yenilməz əri.
Qəhrəmandır əsgərləri,
Azərbaycan, Türkiyə.
"Xəzər"li, "Qara dəniz"li,
Qızları əsmər bənizli.
Türk köklüyük sizli-bizli,
Azərbaycan, Türkiyə.
Qarabağ böyük dərdimiz,
Birdir bizim düşmənimiz.
Eyni döyünür qəlbimiz,
Azərbaycan, Türkiyə.
Gültekini, Bilgə xanı,
Aqil olub hər xaqanı.
Daş abidə ərmağanı,
Azərbaycan, Türkiyə.
Heydər babam, Atatürküm,
Qəlbləri coşdurar türküm.
"Nə mutlu bana ki, türküm!"
Azərbaycan, Türkiyə.
Bir ananın övladıyıq,
Bir atanın ad-sanıyıq.
Türkün şanlı dastanıyıq,
Azərbaycan, Türkiyə.