İSMAİL BEY GASPRALINIÑ FİKİR İNCİLERİ

– Dünyada toyulmağan ve toyulmaycaq bir şey barsa, o da ilim ve maariftir.
– Bütün yamanlıqnıñ başı ve sebebi nadanlıqtır.
– Alim – nadannıñ, bilgen – bilmegenniñ buyruqçısıdır.
– Hasta terekte sağ meyva olmaz.
– Bizge vacip olğan – soñki nefeske qadar millet ve yurt oğrunda ğayrettir.
– Cenabı-Haqnıñ inayeti ağır künlerde yetişir.
– Büyük bina qurulğanda küçük taşlar da işke yarar.
– İlim deryadır. Otuz yıl oqusan, yalınız bir sahiline çıqabilirsin.
– Cehaletke yalıñız ilim ğalip kelebilir.
– Bir milletke ilk evela lazim olğan üç şeydir: milliy tüşünce, milliy til ve milliy tahsil.

ИСМАИЛ БЕЙ ГАСПРАЛЫНЫНЪ ФИКИР ИНДЖИЛЕРИ
– Дюньяда тоюлмагъан ве тоюлмайджакъ бир шей барса, о да илим ве маарифтир.
– Бутюн яманлыкънынъ башы ве себеби наданлыкътыр.
– Алим – наданнынъ, бильген – бильмегеннинъ буйрукъчысыдыр.
– Хаста теректе сагъ мейва олмаз.
– Бизге ваджип олгъан – сонъки нефеске къадар миллет ве юрт огърунда гъайреттир.
– Дженабы-Хакънынъ инаети агъыр куньлерде етишир.
– Буюк бина къурулгъанда кучюк ташлар да ишке ярар.
– Илим дерьядыр. Отуз йыл окъусан, ялыныз бир сахилине чыкъабилирсин.
– Джехалетке ялынъыз илим гъалип келебилир.
– Бир миллетке ильк эвела лазим олгъан учь шейдир: миллий тюшюндже, миллий тиль ве миллий тахсиль.

Kaynak:https://kiriminsesigazetesi.com/ismail-bey-gaspralinin-fikir-incileri/